Re: you talk pidgin?
Wen I first wen move to da mainland, errybody wen axe me weah I stay from cuz of my accent. Dey wen try force me foah lose um so I could talk like dem. Sheesh. I know dat sometimes no stay as strong as odda times, but eef I stay wit odda locals, no can help full on accent an pidgin. Peeps wen assume dat cuz of my accent an dat I can talk pidgin dat I stay illiterate. Hmmm... hakum I wen get A's in English da kine in college den? Funny kine, dat.
I love pidgin! No get pilikia foah rite um down.. jass seem to flow rite chru my fingahs to da keyboard. Jass axe anybody at Since so much of da time I gotta talk good English (cuz ho, no can ansah da phone wit "Eh howzit! How u stay?" in my office), den I look forwahd to da times I can kick back an talk da kine wit my friends in da firss language I wen learn. No mattah eef one person spell words one way, anden somebody else go spell um one naddah way. Is easy foah undastand.
One reason why I no get too much pilikia learning American Sign Language is cuz da syntax stay similar in many ways to Hawaiian an pidgin.
So bussum out, peeps!!!
Originally posted by Miulang
Wen I first wen move to da mainland, errybody wen axe me weah I stay from cuz of my accent. Dey wen try force me foah lose um so I could talk like dem. Sheesh. I know dat sometimes no stay as strong as odda times, but eef I stay wit odda locals, no can help full on accent an pidgin. Peeps wen assume dat cuz of my accent an dat I can talk pidgin dat I stay illiterate. Hmmm... hakum I wen get A's in English da kine in college den? Funny kine, dat.
I love pidgin! No get pilikia foah rite um down.. jass seem to flow rite chru my fingahs to da keyboard. Jass axe anybody at Since so much of da time I gotta talk good English (cuz ho, no can ansah da phone wit "Eh howzit! How u stay?" in my office), den I look forwahd to da times I can kick back an talk da kine wit my friends in da firss language I wen learn. No mattah eef one person spell words one way, anden somebody else go spell um one naddah way. Is easy foah undastand.
One reason why I no get too much pilikia learning American Sign Language is cuz da syntax stay similar in many ways to Hawaiian an pidgin.
So bussum out, peeps!!!
Comment